भारतले गुजरातको सुरतमा बनाएको हिरा व्यापार केन्द्रको कार्यालयले ८० वर्षदेखि अमेरिकाको रक्षा मन्त्रालयको नाममा रहेको सबैभन्दा ठूलो कार्यालय भवनको विश्व किर्तिमान तोडेको छ । गएको २२ अगष्ट २०२३ देखि विश्वको सबैभन्दा ठूलो कार्यालय भवनको किर्तिमान भारतको गुजरातमा रहको ‘सुरत डायामन्ड बोर्स’ ले आफ्नो नाममा पारेको छ ।
आधुनिक सेवा सुविधाहरुले युक्त सो भवन निर्माणमा ३२ अर्ब भारु खर्च भएको थियो । साथै भवन वातावरण मैत्री रहेको र प्राकृतिक उर्जा प्रविधिको प्रयोगले औसतभन्दा ५० प्रतिसत कम उर्जा खपत हुने भवन डिजाईन गर्ने आर्किटेक्चर कम्पनी मोर्फोजेनेसिसले दाबी गरेको छ ।\
भारतको हिरा कटिङ तथा व्यापारको केन्द्रको रुपमा रहेको सुरतलाई विश्वकै हिरा व्यापारको राजधानी बनाउने भारतिय सरकारको लक्ष्यका साथ यो भवन निर्माण गरिएको हो । यो भवनको कुल क्षेत्रफल ३५.५४ एकड रहेको छ सो क्षेत्रफलमा ९ वटा आपसमा जोडिएका भवन र प्रत्येक भवन १५ तले रहेका छन् । १९ वटा भवनमा ३०० देखि ७०० वर्ग मि. का कुल ४२०० वटा अफिसहरु रहेका छन् । यी ९ वटा भवनहरुलाई एरपोट्र टर्मिनलको जस्तै आत्याधुनिक सेवा सुविधा युक्त सेन्ट्रल कोरिडरले जोडिएको छ ।
पार्किङ्गको लागी दुईवटा अन्डरग्राउन्ड फ्ोलरहरु रहेका छन् जसमा ४५०० वटा कारहरु र १० हजार वटा मोटरसाईकलहरु अटाउन सक्ने क्षमता रहेको छ । १३१ वटा एलिभेटरहरुले ३ मिटर प्रति सेकेन्डको गतिले तल माथी आवतजावत गर्नलाई सेवाग्राहीहरुलाई सुविधा दिनेछन् । हरेक अफिसहरुलाई ‘चिल्ड वाटर– कुलिङ्ग’ सिस्टमद्धारा केन्द्रिय वातानुकुलित बनाईएको छ ।
सुरत डायामन्ड बोर्समा विश्वको पहिलो ‘डायामन्ड ज्वेलरी मल’ पनि रहेको छ । यो मलको कुल क्षेत्रफल ४६०० वर्ग मि. रहेको छ र यसमा संसार भरीका बान्ड्रेड हिराका कम्पनीहरुले आफ्नो सामानहरुको खुद्रा व्यापार गर्नेछन् । यो कार्यालयबाट सिङ्गो भारत र गुजरातबासीहरुले ठुलो आशा राखेका छन् ।
कार्यालय जति भव्य छ त्यती नै यसको संचालनमा चुनौतीहरु रहेका छन् । देशभरी छरिएर रहेका साना देखी ठुला व्यापारीहरुलाई सुरतामा केन्द्रिकित गरेर एकै भवनबाट कारोबार गराउने सबैभन्दा ठुलो चुनौती हो । साथै कार्यालयसँगै कामदारहरुलाई उचित बसोबास, यातायातको सुविधा, साना व्यापारीहरुलाई अफिस संचालन गर्न सहुलियत जस्ता थुप्रै चुनौतीहरु रहेका छन् र यसलाई भारतिय सरकार र स्थानिय तहबाट कसरी सम्बोधन हुन्छ त्यो भने हेर्न बाँकी नै छ ।